Ախթալայում կազմակերպվել է խորովածի ավանդական դարձած փառատոնը

շաբաթ, 12 սեպտեմբերի, 2015 թ.
Ախթալայում կազմակերպվել է խորովածի ավանդական դարձած փառատոնը

Ախթալայի վանական համալիրի բակում կազմակերպվել է արդեն յոթերորդ անգամ անցկացվող խորովածի փառատոնը:

Այն Լոռու մարզի պատմական կենտրոններից մեկում էր հավաքել հանրապետության տասնյակ ռեստորանների ներկայացուցիչների, խորովածի սիրահարների ու զբոսաշրջիկների:

Փառատոնը կազմակերպել էր «Հայ խոհարարական ավանդույթների զարգացման եւ պահպանման» ՀԿ-ն: Կազմակերպության նախագահ Սեդրակ Մամուլյանի խոսքով՝ միջոցառումը Ախթալայում անցկացնելով նպատակ ունեն աշխուժացնել մարզային կյանքն ու զարկ տալ զբոսաշրջությանը:

Բացի խորովածի տասնյակ տեսակների համտեսից, փառատոնը նաեւ մշակութային մաս ուներ՝ գեղարվեստական խմբերի ելույթներ, գյուղմթերքի ու արհեստագործական նյութերի ցուցադրություններ:

Մանրամասները՝ տեսանյութում



http://www.1tv.am/

Իսկ Դուք գիտե՞ք, որ...

Օրական 100-150 գ կախասնկի օգտագործումը զգալիորեն նվազեցնում է աթերոսկլերոզի առաջացման վտանգը: