Սնկով և բրոկկոլիով նախուտեստ

Սնկով և բրոկկոլիով նախուտեստ
  • բրոկկոլի 500 գրամ
  • սունկ 400 գրամ
  • գազար 2 հատ
  • նեխուր 5 ցողուն
  • կանաչ սոխ 0.5 փունջ
  • սոուս 0.25 թեյի գդալ
  • ձեթ 2 ճաշի գդալ
  • կարմիր աղացած պղպեղ
  • կանաչի
  • սև պղպեղ
  • աղ

Բուսայուղը տաքացնել, շերտատած գազարը տապակել 1 րոպե, ավելացնել շերտատած նեխուրը, 1 րոպեից ավելացնել շերտատած սունկը, մի պտղունց աղ անել, կափարիչը դնել, շոգեխաշել 5 րոպե, համեմել պղպեղով, ավելացնել ոչ մանր կտրտած կանաչ սոխը, խառնել,
կրակից վերցնել, թողնել սառչի: Կաթսայի մեջ ջուր եռացնել, աղ գցել, բրոկկոլին գցել մեջը և ուղիղ 1 րոպեից ջրքամել, ողողել սառը ջրով: Բանջարեղենը խառնել, համեմել, սոուս լցնել, կտրտած կանաչի ավելացնել, խառնել և մատուցել:

Իսկ Դուք գիտե՞ք, որ...

Սնկերը հարուստ են եթերային յուղերով, որոնք կանխարգելում են խոլեստերինի կուտակումը օրգանիզմում: